| |
Le prime conferentia german de interlingua essera un realitate in Darmstadt in julio
Interessatos e usatores de interlingua es invitate al urbe Darmstadt, ubi le schola Friedrich-Ebert essera le centro conferential inter le 18 e 20 de julio.
Le initiativa al conferentia veni de Sven Frank, durante multe annos active pro interlingua.
Inscription in scripto es obligatori, e le numero de participantes es limitate. Le costo de participation venerdi e dominica es 25,00 euros per die. Participation in le cursos sabbato costa 120,00 euros. Studentes pote participar gratuitemente in tote le programma.
Le programma provisori es le sequente:
Venerdi, le 18 de julio 2008:
15.00-16.00: Benvenita per le arrangiator Sven Frank. - Que es interlingua: Historia, origine, scopo
16.00-17.00: Demonstration practic de interlingua pro apprender lo.
17.00-17.30: Pausa pro caffe e conversation
17.30-18.30: Discussion e possibilitates de usar le lingua international in viages
18.30-19.30: Secunde demonstration practic pro usar interlingua in le vita de commercio.
19.30-20.00: Discussion e transgression al parte relaxante
Sabbato, le 19 de julio 2008:
10.00-13.00: Labor in gruppos
13.00: Pausa con buffet frigide e conversationes in interlingua
14.30-18.00: Labor in gruppos
Gruppo A: Curso de interlingua pro comenciantes sin cognoscentias preliminar al linguas latin, italian, espaniol, portugese o francese
Gruppo B: Curso de interlingua pro comenciantes con cognoscentias preliminar al linguas latin, italian, espaniol, portugese o francese
Gruppo C: Curso de interlingua pro scholares in le etate 12-16 annos
Gruppo D: Curso de interlingua pro scholares e studentes in le etate 16-25 annos.
Dominica, le 20 de julio 2008:
10.00-11.00: Possibilitates de usar interlingua in scholas, discussion practic
11.00-12.00: Possibilitates de activitates pro interlingua in le commercio
12.00-12.30: Pausa de caffe e conversation
12.30-13.30: Possibilitates de education e perspectivas pro traductores de interlingua
13.30-15.00: Foro de discussion pro altere questiones, ideas e propositiones al thema "A ubi veni interlingua in Germania?"
|
